Физули қаласында Құрманғазы атындағы шығармашылық орталығы салынады

🇰🇿🇦🇿 По поручению Президента Казахстана в азербайджанском городе Физули будет возведен Центр творческого развития для детей имени Курмангазы.
Подробнее: https://t.co/Kn52mIpO8T pic.twitter.com/mD0h4MPxXO
— President Kassym-Jomart Tokayev’s Press Office (@AkordaPress) August 24, 2022

Физули қаласында Құрманғазы атындағы шығармашылық орталығы салынады

Қазақстан Президентінің шешімімен Физули қаласында Құрманғазы атындағы шығармашылықты дамыту орталығының іргесі қаланады.

Мемлекет басшысы қазақ халқының атынан жасалған бұл сыйлық елдеріміздің достығының, бауырластығының және өзара қолдаудың тағы бір нышаны болатынын атап өтті.

Өнер орталығының жалпы ауданы – 3100 шаршы метр. Екі қабатты ғимарат 600 адамға арналған. Биыл қыркүйек айында іргетасы қаланып, 2023 жылдың желтоқсанында пайдалануға беріледі.

Физули қаласындағы Құрманғазы атындағы шығармашылық орталығы музыка және музыкалық аспаптар, заманауи технологиялар: жұмыс жабдықтары, 3D модельдеу, веб-дизайн, фото және видео курстар бағытында жұмыс істемек. Сонымен қатар кілем тоқуға, қолөнерге, түрлі спорт пен хореографияға баулитын сыныптар ашылады.

Ильхам Әлиев Қасым-Жомарт Тоқаевқа шексіз алғысын айтып, Физули қаласының балалары үшін әлемдік деңгейдегі шығармашылық орталық болады деп сенетінін жеткізді.

kaynak:https://www.akorda.kz/kz/fizuli-kalasynda-kurmangazy-atyndagy-shygarmashylyk-ortalygy-salynady-2474055