19:48 - Глава государства направил поздравительную телеграмму Президенту Греческой Республики
18:25 - ABŞ-nin məşhur Kolumbiya Universitetində Novruz bayramı qeyd olunub
17:03 - AK PARTİ HALFETİ BELEDİYE BAŞKANI ŞEREF ALBAYRAK 31 MART’TA HEP BİRLİKTE KAZANACAĞIZ!
16:22 - Eyyübiye Belediye Başkanı Mehmet Kuş SSK Caddesi’nde Halkla Buluştu
15:34 - The Head of State sent a telegram of congratulations to the President-elect of Indonesia
13:34 - Devlet başkanı Yunanistan Cumhuriyeti Cumhurbaşkanına bir tebrik telgrafı gönderdi
12:10 - Глава государства направил телеграмму поздравления избранному Президенту Индонезии
Қасым-Жомарт Тоқаев Бішкекке ресми сапары барысында Қырғыз Республикасының Президенті Садыр Жапаровпен келіссөз жүргізді.https://t.co/VFPORRiH4v pic.twitter.com/Nuwo89Q0DC
— President Kassym-Jomart Tokayev’s Press Office (@AkordaPress) May 26, 2022
Жаңалықтар
Халықаралық қоғамдастық
Қазақстан мен Қырғызстан президенттері шағын құрамда келіссөз жүргізді
2022 жылғы 26 мамыр
Қырғыз Республикасы, Бішкек қаласы
Қасым-Жомарт Тоқаев Бішкекке ресми сапары барысында Қырғыз Республикасының Президенті Садыр Жапаровпен келіссөз жүргізді.
Келіссөздерге дейін Қырғызстан Президентінің «Ала-арча резиденциясы аумағындағы «Ақ кеме» мәрмәр шатырында салтанатты түрде ресми қарсы алу шарасы өтті. Құрмет Қарауылының бастығы екі ел басшыларына рапорт беріп, Қазақстан мен Қырғызстанның әнұрандары шырқалғаннан кейін Қасым-Жомарт Тоқаев пен Садыр Жапаров бір-біріне ресми делегациялардың құрамын таныстырды.
Салтанатты рәсімнен кейін шағын құрамда кездесу болды. Қазақстан Президенті бауырлас Қырғыз Республикасына ресми сапармен келуге шақырғаны үшін Садыр Жапаровқа ризашылығын білдірді.
– Мен сіздің шақыруыңызды зор ризашылықпен қабыл алдым. Бұл сапардың мәні ерекше. Осы маңызды сапар елдеріміздің арасындағы ынтымақтастықтың одан әрі дамуына зор серпін беретіні сөзсіз. Соның арқасында стратегиялық серіктестігіміз де нығая түспек. Қырғызстан – Қазақстанға барлық жағынан ең жақын ел. Оны күмәнсіз айтуға болады. Биыл екі елдің дипломатиялық қатынас орнатқанына 30 жыл толып отыр. Осы кезеңде ынтымақтастық аясы барынша кеңейіп, достығымыз нығая түсті. Біз барлық деңгейде өзара сенімге негізделген саяси диалог орнаттық. Мемлекетаралық, парламентаралық және үкіметаралық кеңестеріміз бар. Сондай-ақ, Сыртқы істер министрліктері ықпалдаса жұмыс атқаруда. Қазақстан тек Қырғыз елімен осындай тығыз байланыс орнатқанын ерекше атап өткім келеді, – деді Қасым-Жомарт Тоқаев.
Садыр Жапаров өзінің шақыруын қабыл алып, Қырғызстанға ресми сапармен келгені үшін Қасым-Жомарт Тоқаевқа алғыс айтып, Қазақстан Президентінің бұл сапары екі ел арасындағы ынтымақтастыққа тың серпін беретінін атап өтті.
– Біз – ынтымақтастығы жарасқан бауырлас елдерміз. Екі ел арасында, тіпті өңірлеріміздің деңгейінде де ешқандай түсінбестік болған емес. Толықтай достық рухта бірге дамып келеміз, – деді Қырғызстан Президенті.
Мемлекеттер басшылары бұдан кейін саяси, сауда-экономикалық және мәдени-гуманитарлық салаларды кеңейтуге ерекше көңіл бөле отырып, қазақ-қырғыз стратегиялық серіктестігінің ауқымды мәселелерін талқылады. Сонымен қатар аймақтық күн тәртібіндегі проблемалар қарастырылды.
Сондай-ақ президенттер мәдени-гуманитарлық байланыстарды одан әрі нығайтуға өзара мүдделі екендерін айтты.
Кері қайту Кері қайту
kaynak:https://akorda.kz/kz/1-264124
Қасым-Жомарт Тоқаев Бішкекке ресми сапары барысында Қырғыз Республикасының Президенті Садыр Жапаровпен келіссөз жүргізді.https://t.co/VFPORRiH4v pic.twitter.com/Nuwo89Q0DC
— President Kassym-Jomart Tokayev’s Press Office (@AkordaPress) May 26, 2022