Diaspor Gənclərinin IV Yay Düşərgəsinin rəsmi bağlanış mərasimi keçirilib

    https://twitter.com/DiasporaAz/status/1692540983198584992       Diaspor Gənclərinin IV Yay Düşərgəsinin rəsmi bağlanış mərasimi keçirilib , 2023 Diaspor Gənclərinin IV Yay Düşərgəsinin rəsmi bağlanış mərasimi keçirilib     https://twitter.com/DiasporaAz/status/1692540983198584992     “Heydər Əliyev İli" çərçivəsində Naxçıvanda baş tutan “Heydər Əliyev – 100” Diaspor Gənclərinin IV Yay Düşərgəsinin rəsmi bağlanış mərasimi keçirilib.     https://twitter.com/DiasporaAz/status/1692540983198584992     Mərasimi açıq elan edən Diasporla İş üzrə Dövlət Komitəsinin şöbə müdiri Vəsilə Vahidqızı ulu öndər Heydər Əliyevin 100 illik yubileyinə həsr olunmuş düşərgənin gənclərin yaddaşında silinməz iz buraxacağına inandığını bildirib.     https://twitter.com/DiasporaAz/status/1692540983198584992     Daha sonra bir həftə davam edən Yay Düşərgəsini əks etdirən videoxülasə nümayiş etdirilib. Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi Fuad Nəcəfli düşərgənin Naxçıvanda keçirilməsindən və iştirakçıların Naxçıvanda aparılan yenidənqurma və quruculuq işləri, eləcə də bu qədim diyarın tarixi yerləri ilə tanışlığından məmnun olduğunu söyləyib. O, Prezident İlham Əliyev tərəfindən təsdiq olunmuş “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın icrası sayəsində yaxın beş ildə Naxçıvanda böyük işlər görüləcəyini vurğulayaraq, düşərgə iştirakçılarını beş ildən sonra yenidən Naxçıvana dəvət edib: “Mən sizinlə sağollaşmıram, “Aramıza xoş gəldiniz” deyirəm”.   https://twitter.com/DiasporaAz/status/1692540983198584992       Diasporla İş üzrə Dövlət Komitəsinin sədri Fuad Muradov IV Yay Düşərgəsinin təşkilində göstərdikləri dəstəyə görə Heydər Əliyev Fonduna və Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəliyinə təşəkkür edib. Komitə sədri artıq ənənə halını alan düşərgələrin Prezident İlham Əliyevin və Birinci vitse-prezident Mehriban Əliyevanın tövsiyələrinə uyğun olaraq xaricdə yaşayan azərbaycanlı gənclərin vətənlə əlaqələrini intensivləşdirmək və öz soykökünə, mədəniyyətinə bağlılığını qoruyub saxlamaq məqsədi daşıdığını vurğulayıb, gəncləri diaspor fəaliyyətində və Azərbaycan həqiqətlərininin təbliğində fəal olmağa çağırıb. Düşərgə iştirakçılarına sertifikatlar təqdim olunduqdan sonra tədbir bədii hissə ilə yekunlaşıb. Qeyd edək ki, avqustun 12-dən 18-dək davam edən Diaspor Gənclərinin IV Yay Düşərgəsi Azərbaycan Respublikası Diasporla İş üzrə Dövlət Komitəsinin təşkilatçılığı ilə gerçəkləşdirilib. Düşərgənin tərəfdaşı Heydər Əliyev Fondu, təşkilati dəstək Azərbaycan Respublikası Prezidentinin Naxçıvan Muxtar Respublikasındakı xüsusi nümayəndəliyinə məxsus olub.     https://twitter.com/DiasporaAz/status/1692540983198584992     Diaspor tarixinin möhtəşəm layihələrindən biri hesab olunan IV Yay Düşərgəsində 53 ölkəni təmsil edən 100-dən çox gənc iştirak edib. Onların arasında həm dünyanın müxtəlif ölkələrində yaşayan azərbaycanlılar, həm də Azərbaycana dost münasibəti bəsləyən xalqların nümayəndələri var. Layihənin Heydər Əliyevin bir əsr öncə dünyaya gəldiyi qədim Naxçıvan şəhərində keçirilməsi xüsusi önəm daşıyıb. FOTO QALEREYA       https://twitter.com/DiasporaAz/status/1692540983198584992     dostların arasında bunu ilk tövsiyyə edən sən ol DIGƏR XƏBƏRLƏR kaynak:https://diaspor.gov.az/az/news-detail/diaspor-genclerinin-iv-yay-dusergesinin-resmi-baglanis-merasimi-kecirilib-3380