Fransada yaşayan Azərbaycan əsilli pianoçu medalla təltif edilib

, 2024

Fransada yaşayan Azərbaycan əsilli pianoçu medalla təltif edilib

https://x.com/DiasporaAz/status/1823443974889128102

Diasporla İş üzrə Dövlət Komitəsinin sədri Fuad Muradov Fransada yaşayan Azərbaycanın Əməkdar artisti, pianoçu, Azərbaycanın “Dostluq”, Fransanın “Fəxri Legion” ordenini alan, Fransa Musiqi Akademiyasının direktoru Adilə Əliyeva ilə görüşüb. Görüş zamanı soydaşımıza Azərbaycan Respublikasının Prezidenti cənab İlham Əliyevin sərəncamı ilə təltif olunduğu “Heydər Əliyevin 100 illiyi (1923-2023)” Azərbaycan Respublikasının medalı təqdim olunub.

https://x.com/DiasporaAz/status/1823443974889128102

Komitə sədri Fransada yaşayan soydaşlarımızın yerli cəmiyyətə sıx inteqrasiyasını, Azərbaycan həqiqətlərinin təbliği, zəngin mədəni irsimizin, musiqimizin Avropada tanıdılması istiqamətindəki fəalliyyətlərini yüksək qiymətləndirib. Həmçinin nəzərə çatdırıb ki, xaricdəki icmalarımız, diaspor üzvləri və onların fəaliyyəti hər zaman Prezident İlham Əliyevin və Birinci Vitse-prezident Mehriban xanım Əliyevanın diqqətindədir.

Əməyinə verilən yüksək qiymətə görə ölkə rəhbərliyinə minnətdarlığını bildirən Adilə Əliyeva bundan sonra da Azərbaycan musiqisinin, bütövlükdə mədəniyyətimizin dünyada tanıdılmasına töhfələr verəcəyini, Azərbaycanla Avropa arasında mədəni əlaqələrin inkişafı naminə səylərini əsirgəməyəcəyini vurğulayıb.