Komitənin nümayəndə heyəti Malatya valisi ilə görüşüb
📌 https://t.co/rn5QyPb5WS pic.twitter.com/JMxL5LzVU8

— Azerbaijani Diaspora (@DiasporaAz) April 9, 2024

Türkiyədə səfərdə olan Diasporla İş üzrə Dövlət Komitəsi sədrinin birinci müavini Valeh Hacıyev, Azərbaycan Diasporuna Dəstək Fondunun (ADDF) icraçı direktoru Əkrəm Abdullayev və Fondun icraçı direktorunun müavini Şahin Camalovdan ibarət nümayəndə heyəti Malatya valisi Ersin Yazıcı ilə görüşüb.

Görüşdə qonaqları səmimi salamlayan vali Ersin Yazıçı zəlzələnin baş verdiyi ilk saatlardan bu günə qədər qardaş Türkiyənin həmişə yanında olduğuna görə Azərbaycan dövlətinə, onun rəhbərliyinə, xalqına, eləcə də Diasporla İş üzrə Dövlət Komitəsinə təşəkkürünü bildirib. Türkiyədə baş vermiş zəlzələ haqqında qısa məlumat verən vali Malatyanın zəlzələdən ən çox zərər çəkmiş ikinci bölgə olduğunu qeyd edib. Zəlzələnin acı nəticələrini aradan qaldırmaq üçün Türkiyənin bütün imkanlarını səfərbər etdiyini diqqətə çatdıran Ersin Yazıcı artıq Malatyada bir nəfərin belə çadırlarda yaşamadığını vurğulayıb. Vali Azərbaycan dövlətinin zəlzələdən zərərçəkmiş insanlara diqqət və qayğısını yüksək qiymətləndirib.

Diasporla İş üzrə Dövlət Komitəsinin sədrinin birinci müavini Valeh Hacıyev səmimi qəbula görə minnətdarlığını bildirib. Azərbaycan Respublikasının Prezidenti cənab İlham Əliyevin tapşırığına əsasən Türkiyədə zəlzələnin fəsadlarının aradan qaldırılması üçün ölkəmizdə bütün qurumların səfərbər olduğunu qeyd edən Valeh Hacıyev ADDF-nin Malatyaya göndərdiyi humanitar yardım haqqında məlumat verib. Azərbaycan dövlətinin bundan sonra da hər zaman dost və qardaş Türkiyənin yanında olmağa davam edəcəyini bildirib.

Səmimi keçən görüşdə Valeh Hacıyev ADDF-nin dəstəyi ilə ərsəyə gələn və məşhur Azərbaycan bəstəkarlarının əsərlərindən ibarət “Azərbaycan musiqisinin inciləri” adlı kitabı Malatya valisinə hədiyyə edib.

Qeyd edək ki, aprelin 3-də ADDF dəstəyi ilə Malatyaya göndərilən, içində ərzaq məhsulları olan 2000 qutudan ibarət 1 ədəd TIR artıq bölgəyə çatıb.

ASFA GRUP YÖNETİM KURULU BAŞKANI ASAF ATASOY `DAN “1 MAYIS EMEK VE DAYANIŞMA GÜNÜ” MESAJI

FOTO QALEREYA

Komitənin nümayəndə heyəti Malatya valisi ilə görüşüb
📌 https://t.co/rn5QyPb5WS pic.twitter.com/JMxL5LzVU8

— Azerbaijani Diaspora (@DiasporaAz) April 9, 2024

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/komitenin-numayende-heyeti-malatya-valisi-ile-gorusub-4537