Жаңалықтар

Ақорда

Мемлекет басшысы Грузия Парламентінің төрағасы Шалва Папуашвилиді қабылдады

2024 жылғы 12 сәуір

🇰🇿🇬🇪 Мемлекет басшысы @TokayevKZ Грузия Парламентінің төрағасы Шалва Папуашвилиді @shpapuashvili қабылдады

🔗https://t.co/kISC9uWFLO pic.twitter.com/xWeBTfyZei

— President Kassym-Jomart Tokayev’s Press Office (@aqorda_press) April 12, 2024

Президент Қасым-Жомарт Тоқаев мейманға ілтипат білдіре отырып, Қазақстан Оңтүстік Кавказ өңіріндегі негізгі серіктестерінің бірі – Грузиямен жан-жақты қарым-қатынасты нығайтуға айрықша мән беретінін атап өтті. Мемлекет басшысы Қазақстан мен Грузия арасындағы достық пен өзара түсіністік екіжақты байланыстарды тереңдету ісінде елеулі табысқа қол жеткізу үшін берік негіз болатынын айтты.

Қасым-Жомарт Тоқаев парламентаралық диалогтың мемлекетаралық қатынастарды нығайтуда маңызды рөл атқаратынына тоқталды. Бұл ретте «Қазақстан-Грузия» парламентаралық достық тобы ынтымақтастықтың көкжиегін кеңейтуге айтарлықтай ықпал ете алатынын атап өтті.

Мемлекет басшысының айтуынша, бүгінде қазақстандық бизнес Грузия экономикасының түрлі секторында қызмет етеді және екі елдің сауда-экономикалық қатынастарын одан әрі кеңейтуге үлес қосып келеді.

Кездесуде екі ел арасындағы мәдени-гуманитарлық байланыстарды нығайтуға баса назар аударылды. Қасым-Жомарт Тоқаев орайлы сәтті пайдалана отырып, футболдан ұлттық құрамасы Еуропа чемпионатының ақтық кезеңіне шыққан достас Грузия халқын құттықтап, сәттілік тіледі.

Bakan Yardımcısının İslam İşbirliği Teşkilatı Genel Sekreteri ile görüşmesi

Өз кезегінде Шалва Папуашвили құрмет көрсеткені үшін Мемлекет басшысы мен Қазақстан халқына алғыс айтты. Сондай-ақ бұл Грузия Парламенті төрағасының Қазақстан Республикасына алғашқы ресми сапары екенін, сондықтан оның сапары айтулы оқиға саналатынын атап өтті.

🇰🇿🇬🇪 Мемлекет басшысы @TokayevKZ Грузия Парламентінің төрағасы Шалва Папуашвилиді @shpapuashvili қабылдады

🔗https://t.co/kISC9uWFLO pic.twitter.com/xWeBTfyZei

— President Kassym-Jomart Tokayev’s Press Office (@aqorda_press) April 12, 2024

Шалва Папуашвили Грузияның Қазақстанмен арадағы қарым-қатынасты одан әрі нығайтуға бейілді екенін растады. Оның айтуынша, Тбилиси Астанамен жан-жақты байланыстарды, соның ішінде көлік-логистика саласындағы ықпалдастықты тереңдетуге ниетті. Бұл ретте Грузия Парламентінің спикері Мемлекет басшысының Транскаспий халықаралық көлік бағытын бірлесіп дамыту туралы бастамасын қолдады.

Кері қайту Кері қайту

kaynak:https://www.akorda.kz/kz/memleket-basshysy-gruziya-parlamentinin-toragasy-shalva-papuashvilidi-kabyldady-1233643